Еркін күрестен 57 келі салмақ дәрежесінде белдесетін Ұлттық құраманың балуаны Мейрамбек Қартбай Париж олимпиадасында өнер көрсетеді. Ресей балуандары Олимпиадаға қатысудан бас тартқан соң, жолдамалар қайта үлестіріліп, әр елдің балуандарына беріліп жатыр. Мейрамбектің жолдамаға ие болуы да заңдылық. Өйткені ол олимпиада жолдамасын сарапқа салған турнирде ресейлік Заур Угуиевтен жеңіліп қалған еді. Осылайша отандасымыз Париждегі дүрмекте өнер көрсету мүмкіндігіне ие болды.

Айта кетейік, Мейрамбек Қартбай 2023 жылғы әлем чемпионатында бесінші орын алып қалған еді. Ол жолдама үшін таласта олимпиада чемпионы Заур Угуиевке есе жіберіп, қалған іріктеу турниріне қатыспады.