Қазақстандық семсершілер тарихи лицензияға қол жеткізді
Фото: Олимпиада комитеті
Қазақстан құрамасы шпагамен семсерлесуден Грузия астанасы Тбилисиде өткен әлем кубогі кезеңінде Париж олимпиадасының жолдамасын жеңіп алды. Бұл туралы Stan.kz ақпарат агенттігі хабарлайды.
Грузия астанасы Тбилисиде өткен әлем кубогі кезеңінде әлемнің 60 елінен жиналған спортшылар рейтингілік ұпай мен Париж олимпиадасының жолдамасы үшін тартысқа түсті. Бұл бәсекедегі Қазақстанның басты қарсыласы болған Оңтүстік Корея 1/8 финалда Чехия құрамасынан ұтылып, Қазақстан командасынан 26 ұпайға қалып қойды. Осылайша, семсерлесуден Қазақстан құрамасы өз тарихында тұңғыш рет командалық сында олимпиада ойындарына жолдама жеңіп алды.
Айта кетейік, Тбилисидегі шешуші сында Эльмир Алимжанов, Руслан Курбанов, Ерлік Сертай мен Вадим Шарлаимов төрттігі Олимпиадаға лицензия иеленді.
Айта кетейік, Тбилисидегі шешуші сында Эльмир Алимжанов, Руслан Курбанов, Ерлік Сертай мен Вадим Шарлаимов төрттігі Олимпиадаға лицензия иеленді.
