Жас аналарды мерекемен құттықтады

Бүкіл еліміз Астана қаласының 20 жылдығын тойлап жатқанда, яғни 6 шілде күні Қазалы ауданында екі сәби, 1 ұл және 1 қыз бала дүниеге келді.

Аудандық орталық аурухананың перзентхана бөлімінде болған аудан әкімі Мұрат Ергешбаев пен аудан әкімінің орынбасары Әлімжан Жарылқағанов сәбилері дүниеге келген жас аналарды мерейлі мерекемен құттықтап, қуаныштарымен бөлісті.

Қос мерекеге кенелген аналарға гүл шоқтары мен сый-сияпаттар табысталды.

Айта кетейік, Сыр халқының демографиясына ерекше үлес қосып келе жатқан Қазалы ауданында жыл басынан бүгінгі күнге дейін 838 бала өмірге келген.