Аз ғана ғұмырынба осындағы білім беру ісінің дамуына ерекше еңбек сіңірген тұлғаны еске алу жиынына аудандық білім бөлімінің басшысы Әділхан Жөлекешов арнайы келіп, Ерболат Бекаралұлы туралы естеліктерімен бөлісіп, марқұмның есімі ел жадынан өшпейтінін айтты. Биыл аудандық деңгейде өткізіліп отырған білімділер бәсекесі ауқымын кеңейтетінін тілге тиек етіп, сайысқа қатысушыларға сәттілік тіледі.

Бұдан кейін марқұм ұстазға арнау оқылып, ұстаз өмірінен алынған қысқаша видеоролик көрсетілді. Жиынға келген аудандық мәслихат хатшысы Орынбаев Арғын және шараның құрметті қонағы Қуанғалиев Данахмет игі істі ұйымдастырушыларға ризашылығын білдірді.

Аудандық олимпиадаға 83 оқушы қатысып, бақ сынасты. Сайыс нәтижесіне сәйкес:

5-сынып Математика пәні бойынша:

1-орын: Нұртаза Әбілмансұр- №249 мектеп-лицейі;

2-орын: Жанғали Нұржан- №204 мектеп;

3 -орын: Талғатқызы Медина- №165 мектеп;

6-сынып Математика пәні бойынша:

1-орын: Мыңболсын Нұрасыл-№204 мектеп;

2-орын: Тұрсын Айкүн-№249 мектеп-лицейі;

3-орын: Тұрсынбек Нұрислам-№165 мектеп;

9-сынып Физика пәні бойынша:

1-орын: Серікұлы Әділет- №249 мектеп-лицейі;

2-орын: Нурлыбекқызы Диана-№16 мектеп-лицейі;

3-орын: Бірлік Қайсар- №25 мектеп;

Олимпиада үздіктері естелік және қаржылай сыйлықтармен марапатталды. Марқұм Ерболат Қалнияовтың ағасы Таңатар ақсақал жас ұрпаққа батасын беріп, сайыс қорытындыланды.