Қазалы Qazaly.kz ақпараттық агенттігі
» » Жайық өзеніндегі су деңгейі Орал қаласы гидробекетінде 710 сантиметрге жетті

Жайық өзеніндегі су деңгейі Орал қаласы гидробекетінде 710 сантиметрге жетті

Фото: Kazinform
«Қазгидромет» РМК БҚО филиалының директоры Тілеген Шапановтың 9 сәуір күнгі сағат 08.00-дегі мәліметі бойынша облыс орталығында су деңгейі 710 сантиметрге (қауіпті шегі – 850 см) жетіп отыр.

Жайық өзенінің Бәйтерек ауданы Январцев гидробекетіндегі деңгейі 4 сантиметрге (773 см, қауіпті деңгейі – 1 250 см) төмендесе, Көшімде (+2, 653 см – 850 см), Тайпақта (+30, 373 см – 850 см) көтерілуі байқалады.

Сондай-ақ, Көшім каналындағы су деңгейі бір тәулікте 40 сантиметрге (792 см) жоғарылап, қауіпті деңгейге (800 см) жақындады.

Есесіне Шаған өзені Чувашин тұсында 50 сантиметрге (1 224 см) түсті.

БҚО әкімінің орынбасары Қалияр Айтмұхамбетов басты назар Жайық өзені бойында орналасқан Орал қаласы мен төрт ауданға аударылып отырғанын жеткізді.

«Қазіргі кезде барлық күш облыс орталығы мен Бәйтерек, Бөрлі, Ақжайық және Теректі аудандарына жұмсалуда. Орал қаласында бөгеттерді нықтау жұмыстары бір-екі күнде бітпекші. Бәйтерек пен Бөрліде қарқын жақсы. Ақжайық пен Теректі аудандарында да шаралар атқарылып жатыр», - деді Қ.Айтмұхамбетов.

«Жағдай әзірге қалыпты. Бірақ ертеңнен бастап Жайықтағы су деңгейі өсе береді. Шарықтау шегі 15-16 сәуірде деп отырмыз», - деді Орал қаласының әкімі Миржан Сатқанов.

Еске сала кетейік, бұдан бұрын Орал қаласынлағы саяжайлардан тұрғындар көшіріліп жатқанын жазған болатынбыз.
09 сәуір 2024 ж. 77 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930