Аудан әкімі бөлім басшыларын қабылдады
Аудан әкімі Мейрамбек Шермағанбет әрбір сала бойынша атқарылып жатқан жұмыстарды пысықтап, дербес бөлім басшыларын, кент және қала әкімдерін қабылдады.Қабылдауда болған аудандық экономика және қаржы, кәсіпкерлік, өнеркәсіп және туризм, ауылшаруашылығы мен жер қатынастары және аудандық тұрғын үй коммуналдық шаруашылығы, жолаушылар көлігі және автомобиль жолдары бөлімі мен құрылыс, сәулет және қала құрылысы бөлімдерінің басшылары аудан әкіміне тиісті кезеңдегі атқарылып жатқан жұмыстары жөнінде толыққанды есеп беріп, алдағы міндеттер туралы атап өтті.
Сала басшыларын тыңдаған аудан әкімі Мейрамбек Зинабдинұлы мемлекеттік сатып алу бойынша жүргізілген жұмыстар, жергілікті және дербес бюджет түсімдерінің атқарылуы, бөлінген қаржыны жүйелі жоспарлау сынды өзекті мәселелерді қозғап, бұл бағытта жауаптыларға нақты тапсырмалар жүктеді.
"ҚАЗАЛЫ" ақпарат
