Тұрғындарды жеке мәселелері бойынша қабылдады
Аудан әкімі Мұхтар Оразбаев белгіленген кестеге сәйкес тұрғындарды жеке мәселелері бойынша қабылдады. Жеке қабылдауға аудан басшысымен қатар, Қазалы ауданы прокуратурасының прокуроры Алмат Алдабергенов, аудандық полиция бөлімі бастығының орынбасары Бауыржан Тұрманов, аудан әкімінің орынбасары Дәурен Тілеумбетов және дербес бөлім басшылары мен кент, ауылдық округ әкімдері, тиісті сала мамандары қатысты.Жеке қабылдауға келген тұрғындар жол жөндеу және жарықтандыру, ауыл шаруашылығын қаржылай қолдау және тағы басқа мәселелер бойынша өтініштерін айтып келді.
Аудан әкімі Мұхтар Оразбаев халықтың ұсыныс-пікірлері мен өтініш-тілектерін тыңдаған соң жауапты сала мамандарына арнайы тапсырма беріп, тұрғындардың өтініштерін тиісті заң шеңберінде орындауды тапсырды.
#Қазалы
"ҚАЗАЛЫ"ақпарат
