Өрт қауіпсіздігіне қатысты жиын өтті
Аймақ басшысы Н.Нәлібаевтың тапсырмасына сәйкес аудан әкімі Мұхтар Оразбаевтың төрағалығымен қоғамдық саяси ахуалға қатысты шұғыл отырыс өтті.
Басты мақсат – аудандағы әлеуметтік нысандарда болуы ықтимал өрт қауіпсіздігінің алдын алу және тиісті шараларды дер кезінде ұйымдастыру.
Жиында аудан басшысы аудандағы ахуалды жіті назарда ұстап отыруды ескертіп, кез келген жағдайды уақытылы баяндап отыруды тапсырды.
Аталған мәселеге сәйкес аудандық өрт сөндіру, полиция, жауапты бөлімдер, коммуналдық мекемелер, сэс және кент, қала мен ауылдық округ әкімдеріне тиісті тапсырмаларды жүктеді. Оған қоса тез арада жұмысшы топ құрып, шұғыл жұмыс жасауды тапсырды.
Қазалы ауданы әкімінің баспасөз қызметі
