Комиссия отырысында 2022 жылы аудан көлемінде құқық бұзушылық профилактикасы бойынша атқарылған жұмыстардың тиімділігі және алдағы уақытта атқарылатын іс-шаралар талқыланды.

Күн тәртібіндегі мәселе бойынша аудан прокурорының орынбасары Ғ.Сағатов, аудандық полиция бөлімінің бастығы Б.Кабизов, аудан әкімінің орынбасары К.Назымбеков, аудандық білім бөлімінің басшысы Ә.Жөлекешов хабарлама жасады.

Отырыста аудан прокуроры Д.Әбіш оқушылардың түнгі уақытта ата-аналары немесе заңды өкілдерінсіз жүруін тоқтату, мектептерге дабыл қондырғыларын толық орнату, топтық төбелестің алдын алу, қылмыстың алдын алуға қатысты билбордтар мен бейнероликтер әзірлеп, жариялау ұйымдастыру мәселелерін көтеріп, әр сала бойынша құқық бұзушылықты болдырмау бағытында ұсыныстарын жеткізді.

Комиссия отырысын қорытындылаған аудан әкімі М.Әуесұлы халықпен кері байланыс орнату басты міндет екенін, қылмысты болдырмау үшін қоғам болып бірлесе жұмыс атқару қажеттігін жеткізді. Қала мен кентте істен шыққан бейнекамераларды іске қосып, сапалы жұмыс жасауын қамтамасыз етуді тапсырды. Сондай-ақ аудан басшысы комиссия отырысында айтылған кемшіліктер мен сын-ескертпелерден оң нәтиже шығарып, осы бағыттағы жұмыстарды жандандыруды және тиісті шараларды күшейтуді жүктеді.