Жастар арасында құқық бұзушылық көп, бақылау жоқ

Аудан басшысына өздерінің ұсыныстарын жеткізген көпшілік Иса Байзақов көшесінде орналасқан бағаналарды жаңалау және түнгі жарықшамдар орнату қажеттігін жеткізді. Бұдан бөлек, жастар арасындағы құқық бұзушылықтың алдын алу үшін қауіпсіздік шараларын жүргізу керектігін баяндады. Мұхтар Әуесұлы айтылған түйткілдердің орынды екенін айтып, жарық мәселесіне қатысты аудандық тұрғын үй коммуналдық шаруашылығы, жолаушылар көлігі және автомобиль жолдары бөілімінің мамандарынан және «ҚЭТТК» АҚ Қазалы аудандық электр торабының бастығы Әнуар Райымбектен мән-жайды сұрады. Сол секілді аудандық ішкі істер бөлімінің қызметкелеріне тәртіп мәселесін бақылауға алуды тапсырды. Кездесу барысында Әйтеке би кентінің әкімі Мұрат Әбсұлтановқа да мәселені зерттеп, баяндау керектігін айтты.