Тұрғындар өтініші тыңдалды
Бүгін аудандық мәслихат депутаты Әліпбаев Талғат Әзімжанұлы «AMANAT» партиясы аудандық филиалының қоғамдық қабылдау бөлмесінде аудан тұрғындарын жеке мәселелері бойынша қабылдады.Партия алаңында өз өтінішін жеткізген кент тұрғыны жұмыспен қамту мәселесін көтеріп, мамандығы аясында жұмысқа орналастыруға ықпал жасауын сұрады.
Тұрғын өтіншімен танысқан халық қалаулысы тиісті сала өкілдерімен байланысқа шығып, ақылы қоғамдық негізде жұмысқа орналастыру жолдарын қарастырды. Сондай-ақ алдағы уақытты орындалуын өз бақылауына алып, тиісті жұмыстар жасайтындығын айтып өтті. Сонымен бірге мәслихат депутаты әлеуметтік желі арқылы келіп түскен өтініштерді де назарға алатындығын жеткізді.
