Кезекті қоғамдық қабылдау өтті
Бүгін аудандық мәслихат депутаты Құрақбаева Алтынкүл Тәжімұратқызы аудандық партия филиалының Қоғамдық қабылдау бөлмесінде аудан тұрғындарына жеке мәселелері бойынша қабылдау өткізді.Жеке қабылдауға бірқатар кент тұрғындары келіп, әлеуметтік көмек алу, тұрғын үй кезегі, денсаулық сақтау саласына қатысты өтініштерін жеткізіп, сауалдарын қойды.
Фракция мүшесі Алтынкүл Тәжімұратқызы әлеуметтік көмек алу өтінішімен жүгінген жалғыз басты анаға «Баланы мектепке даярлайық!» акциясы аясында баласына бір реттік көмек берілетіндігін жеткізді. Ал келесі тұрғынның өтінішітерін бақылауына алып, жауапты сала мамандарымен байланысып, шешілу жолдарын қарастыратындығын атап өтті.
Мұнан бөлек, қабылдау барысында заңнама бойынша тиісті түсіндірме жұмыстары жүргізіліп, кеңестер берілді.
#AMANAT
