ҚАРЖЫЛЫҚ ТӘРТІП ҚАШАНДА МАҢЫЗДЫ
Қазалы ауданында Қызылорда облысы бойынша тексеру комиссиясының ұйымдастыруымен «Қаржылық бұзушылықтардың алдын-алу және қаржылық тәртіпті нығайту» тақырыбында семинар-кеңес өтті.Семинарға аудандық дербес бөлім басшылары, кент, қала, ауылдық округ әкімдері, мәдениет үйлері мен клуб, мектеп директорлары мен балабақша меңгерушілері, орталық аурухана, спорт мекемелерінің басшылары мен есепшілері қатысты.
Күн тәртібінде қаралған мәселелер бойынша облыстық мемлекеттік сатып алу басқармасының, қаржылық бақылау органдарының өкілдері хабарлама жасап, бұзушылықтардың алдын алу, қаржылық тәртіпті нығайту, аудит объектілерінің құқықтары мен міндеттері туралы түсіндірме берді. Сонымен қатар, есепші мамандарды арнайы курстардан оқытып, біліктілігін арттыру жөнінде ұсыныстар көтерілді.
«ҚАЗАЛЫ» ақпарат
