Әрбір азаматының дауысы маңызды
Кезектен тыс Президент сайлауы 20 қарашада өтетін болды. Қоғам болған соң сан алуан пікірдің айтылуы заңдылық. Осы орайда, «қазіргідей алмағайып кезеңде кезектен тыс сайлау өткізудің қажеті қанша» деген пікірді де арагідік естіп қаламыз. Меніңше, үш жылда атқарылған ауқымды жұмыстар мен жүргізілген түрлі реформалардан кейін сайлау өткізіп, елдің алдағы бағыт-бағдарын тағы бір айқындап алатын уақыт жетті. Сол себепті ел тұрғындары алдағы саяси шараға бір адамдай жұмыла атсалысуы керек.Өз тарихында «бірлік керек» деген сөзді қазақтан көп айтқан ұлт жоқ шығар. Дәл осы сөзді қазір де айтуға тиіспіз. Өйткені мемлекет үшін бірлік бізге ауадай қажет. Алдағы сайлау да халықты біріктіруге бағытталған.
Сондыққтан алдағы науқанға Қазақстан Республикасының әрбір азаматының басты міндеті ретінде әрқайсысымыз өз дауысымызды беруден қалыс қалмайық!
Жанат КӨЛАНОВА,
Қазалы аудандық мәслихат депутаты,
№21 «Алпамыс» бөбекжай-балабақшасының меңгерушісі
