Қазалы қаласында ауылшарушалығы өнімдерінің жәрмеңкесі өтті
Аудандағы бүгінгі ауыл шаруашылығы өнімдерінің жәрмеңкесі Қазалы қаласында ұйымдастырылды. Жәрмеңкенің басты артықшылығы – бұдан бұрынғы жәрмеңкелердегідей қолжетімді баға. Олай болатыны, мұнда негізінен жергілікті жерде өсірілетін өнімдер саудаға салынды.Жәрмеңкеге Майдакөл, Ғ.Мұратбаев, Өркендеу, Қарашеңгел, Басықара, Көларық, Майлыбас, Қызылқұм, Шәкен ауылдық округтері мен Қазалы қаласы қауын-қарбыз, балық, күріш, қой-тоқты және жем-шөп алып келсе, тағы бір кәсіпкер картоп және көкөніс өнімдерін сатты.
Жәрмеңкеге келушілердің қатары өте көп. Әсіресе, мұнда картоп пен жуаны таласып алып жатқандарды көптеп кездестіруге болады.
Жәрмеңкеге аудан әкімі Мұхтар Оразбаев арнайы барып, ауылдық округтерден әкелінген бау-бақша өнімдерімен танысты. Аудан басшысы жәрмеңкеге келген тұрғындармен пікір алмасып, биылғы өнімнің сапасына оң бағасын берді.
#Қазалы
