25 қазанда Республика күнін мерекелеу туралы заң қабылданды
Сенат депутаттары кинематография, мәдениет және мерекелер мәселелері бойынша кейбір заңнамалық актілерге енгізілген түзетулерді қабылдады, ол бойынша 25 Қазан ұлттық мереке – республика күні болады, деп жазады inbusiness.kz."25 Қазан ұлттық мереке – Республика күні болып бекітіледі. Бұл тарихи, өте маңызды шешім. Біздің еліміздің тәуелсіздігі шын мәнінде осы күннен басталады. Бұл күнді ұлттық мереке ретінде бекіту – мемлекеттілік пен егемендік тұрғысынан алғанда маңызды қадам", – деді Сенат төрағасы Мәулен Әшімбаев.
7 қыркүйекте Мәжіліс депутаттары тиісті заң жобасын мақұлдады. Сенат түзетулерді Президенттің қол қоюына жіберді.
Заң сонымен қатар Тұңғыш Президент күнін мемлекеттік мерекелер қатарынан алып тастайды. 16 желтоқсан мемлекеттік мереке – Тәуелсіздік күні болып қалады (қазір бұл ұлттық мереке).
Президент Жарлығынан кейін қазақстандықтар 25 қазан мен 16 желтоқсанда демалады, бірақ 1 желтоқсанда жұмысқа шығады.
#Тұңғыш Президент күні #Мерекелер #Республика күні
