Ықыласпен қабылданған молшылық
Күрішті, ырысты Сыр елінде ырзық-несібе толысты. Облыс диқандары ел байтағы – Нұр-Сұлтан қаласында екі күндік жәрмеңкесі өтті. Қызылорда өңірінің молшылық сыйын елордалықтар үлкен ықыласпен қабылдады.Сыр бойынан әкелінген 500 тоннадан астам өнімдер нарықтан 15-20% төмен бағамен халыққа ұсынылды.
Оның ішінде Қазалы ауданынан 2 тонна сүт, 40 тонна бақша, 5 тонна балық, 1,5 тонна "Қазалы" кәмпиті және 1,5 тонна ет елордалықтарға жеткізілді.
Жәрмеңкеде ауыл шаруашылығы өнімдерінің көрмесі ұйымдастырылды.
Сонымен қатар, сырбойылық өнерпаздардың қатысуымен мерекелік концерт ұйымдастырылды.
Бұдан бөлек, облыс тарапынан қайырымдылық қоры аясында жағдайы төмен отбасыларға азық-түлік себеттері таратылды.
Жәрмеңкеге келген елордалықтар дән риза.
"ҚАЗАЛЫ" ақпарат
