2 пайызбен ипотекаға өтініш қабылдау басталды
20 маусым мен 19 шілде аралығында «Baqytty Otbasy» бағдарламасына қатысуға өтінімдер otbasybank.kz платформасында қабылданады. Бұл бағдарламаға әкімдікте кезекке тұрғандар келесі номинациялар бойынша қатыса алады:көп балалы отбасы;
мүмкіндігі шектеулі бала тәрбиелеп отырған отбасы;
толық емес отбасы (неке бұзылған сәттен бастап кемінде үш жыл өтуі керек).
«Бақытты отбасы» бағдарламасына қатысушылар үшін несие сомасынан 10% бастапқы жарнамен жылдық 2% мөлшерлемемен несие беріледі. Несие мерзімі 20 жылға дейін.
«Бақытты отбасы» бағдарламасының көмегімен жергілікті әкімдіктер арқылы салынған несиелік тұрғын үйді немесе үміткердің таңдауы бойынша кез келген басқа тұрғын үйді (бастапқы, орта) сатып алуға болады.
Несиенің ең жоғары сомасы Нұр-Сұлтан, Алматы және олардың қала маңындағы аудандарында, Шымкент, Ақтау, Атырау қалаларында 15 млн теңгеге дейін және басқа аймақтарда 10 млн теңгеге дейін болады. Жылжымайтын мүлік қарыз алушы тұрғын үй кезегінде тұрған аймақта сатып алынуы керек.
