Жаңа Қазақстанға жаңа серпінмен
Конституцияға өзгерістер енгізу бойынша жалпыхалықтық Референдум өз мәресіне жетті. Халықтың Референдум өткізуге көзқарастары оң болды. Оның нәтижесін кешегі халықтың дауыс беруге белсенді қатысқанынан көруге болады. Сондай-ақ, ел халқы ұлттың бірлігі мен нақты өзгерістерге дайын екендігін көрсетті.Президентіміз «Халық үніне құлақ асатын мемлекет» қағидасын ұстана келе, барлық заңдарға негіз болатын, мемлекетіміздің құқықтық-заңнамалық бағытын айқындайтын Ата заңымызға өзгерістерді енгізу - халықтың дауыс беруімен анықталу қажет деген шешім қабылдады.
Еліміз жаңа өзгерістер алдында тұр және референдум тікелей демократияның басты құралы болып табылады. Ең бастысы еліміз аман, жұртымыз тыныш болсын! Мен мемлекетіміздің кемел келешегі мен ұрпақтарымыздың жарқын болашағына сенемін.
Ардақ КӘДІР,
Қазалы аудандық мәслихатындағы
«AMANAT» партиясы депутаттық фракциясының мүшесі
