5 маусым күні елімізде республикалық референдум өткізілді. Өзім Қазалы қаласындағы №66 дауыс беру учаскесінде «AMANAT» партиясы қоғамдық бірлестігі атынан партия өкілі болдым.
Халық Қазақстан Республикасының Президенті Қасым – Жомарт Тоқаевқа елдің болашағы үшін зор сенім артады. Мен Қазалы қаласының өзге ұлт өкілдерінің референдум туралы оң көзқараста екеніне, таңмен таласып дауыс беруге келгеніне шын көңілден риза болдым. Дауыс берушілердің басым бөлігі елдегі қандай да болмасын, барлық өзгерістерді қолдайтынын, өзгеріп те жатқанын ашық айтты.Бұл күн - еліміз үшін тағы бір тарихи күн болды. Референдум әділ өтті деп толық айта аламын. Оны халықтың өзгеріске деген риясыз көңілі мен сенімінен байқауға болады. Тарихи сәтте елдігіміз бен ауызбіршілігімізді танытқан халыққа шексіз ризамын.Еліміздің бірлігі мен ынтымағы үшін еңбек ету, өз үлесімізді қосу – азаматтық парызымыз. Көк Туымыз мәңгі желбіресін! Еліміз тыныш, халқымыз аман болсын!