Шағын орталық ашылды
Жақында Лақалы ауылындағы №93 орта мектепте «Айжұлдыз» шағын орталығының ашылу салтанаты болып өтті. Онда №93 орта мектеп директоры Серікбол Сансызбаев құттықтау сөз сөйлеп, орталық жұмысына сәттілік тіледі.Сондай-ақ, Социалистік Еңбек Ері, дербес зейнеткер Кәрібоз Әлімаев, ауыл тұрғыны Өтепберген Шазындаев және медицина саласының ардагері Алтынбек Жұбаниязов бір топ бүлдіршіндердің алғашқы қадамдарына ақ жол тілеп, баталарын берді.
Тәуелсіздіктің арқасында үлкен қуанышқа кенелген лақалылық жас ата-аналар облыс әкімі Қырымбек Көшербаев пен аудан әкімі Мұрат Ергешбаевқа алғыстарын айтып, отбасы атынан ризашылықтарын білдірді.
Тағылымды жиын соңы концертке ұласты.
Жанел ҚҰТТЫБАЙ,
№93 мектептің 10 сынып оқушысы.
