Мектеп оқушылары арасында коронавирустың таралуы көбейді
Денсаулық сақтау бірінші вице-министрі Марат Шоранов оқушылар арасында коронавирустың таралу жағдайы туралы айтты, деп хабарлайды egemen.kzДәстүрлі форматта оқитын оқушылар арасында коронавирус ауруының 15 028 жағдайы тіркелді, оның ішінде байланыста болғандар арасында – 1317 науқас.
«Қазан айының соңғы екі аптасында оқушылар арасында ауру 1,3 есе азайды. Сонымен қатар, Павлодар, Ақмола, Маңғыстау, Түркістан облыстарында сырқаттанушылықтың 1,4 есеге дейін өсуі байқалады», деді Шоранов Үкімет отырысында.
Ошақтарда 159 мың байланыс орны анықталды, олардың 0,8%-ында оң ПТР-тест анықталды.
«Жалпы, Қазақстанда соңғы екі айда аурушаңдық 2,8 есеге, ал өлім-жітім 4,1 есеге төмендеді», деп атап өтті бірінші вице-министр.
Сондай-ақ, 1 тамыздан бастап инфекциялық төсектердің жұмыспен қамтылу деңгейі 56-дан 33%-ға дейін, реанимациялық төсектердің 45-тен 27%-ға дейін төмендегені байқалады. Резервте 30 мыңнан астам төсек-орын бар.
