Аудан орталығы – Әйтеке би кентіндегі Қ.Пірімов көшесінің бойындағы жәрмеңкеге Әйтеке би кенті, Қазалы қаласы мен барлық ауылдық округтер және шаруашылықтар мен кәсіпорындардан 110 тоннадан астам өнім әкелінді.

Атап айтқанда, 10 тонна күріш, 6 тонна жем, 40 тонна көкөніс, 30 тонна картоп, 8 тонна балық, 1,5 тонна ет, 1,5 тонна сүт, 1 тонна конфет өнімдері, 80 бас қой-тоқты және 12 көлік шөп базар нарқынан 10-15 пайыз төмен бағада сатылды.

Таңертеңгі уақыттан жәрмеңкеге ағылған жұртшылық түске дейін арзан өнімдерді алды. Тұрғындар балық пен бақша өнімдерін, күріш секілді өнімдерді таласып алып жатты.