Қоғамдық тамақтану орындарында түсіндірме жұмысы жүргізілуде
Бүгін Әйтеке би кентінде орналасқан қоғамдық тамақтану орындарына аудандық кәсіпкерлік, өнеркәсіп және туризм бөлімі мен Әйтеке би кенті әкімдігі Қызылорда облысының Бас мемлекеттік санитариялық дәрігерінің 11 наурыздағы №4 «Қызылорда облысы бойынша шектеу, оның ішінде карантиндік шаралары туралы» қаулысын түсіндірді.Жаңа №4 қаулыға сәйкес келесі өзгерістер енгізілді:
Банкет залдарының жұмысына тек ас беруді өткізуге ғана рұқсат беріліп отыр. Бұл ретте залдың толтырылуы 30%-дан артық емес, бірақ 50 адамнан артық болмауы тиіс.
Тыйым салу жалғасады: ойын-сауық іс-шараларын, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар), оның ішінде үйде және адамдар көп жиналатын өзге де іс-шараларды өткізуге, букмекерлік кеңселердің қызметіне, балаларды сауықтыру лагерлерінің қызметіне, мерекелік корпоративтерді ұйымдастыру мен өткізуге тыйым салынады.
"ҚАЗАЛЫ" ақпарат
