Қазақстан футбол федерациясының кезектен тыс конференциясында федерация президенті лауазымына ҚР Президенті Әкімшілігінің басшысы Әділбек Жақсыбеков сайланды, деп хабарлайды ҚазАқпарат "SPORTINFORM" САА сайтына сілтеме жасап.   
           Шешім бірауыздан қабылданды. Жалғыз кандидатқа федерацияның жиынға қатысқан барлық мүшесі - 33 делегаты бірдей дауыс берді.        
     Әділбек Рыскелдіұлы бір лауазымға алғаш рет сайланып отырған жоқ. Ол бұған дейін 2007 жылы отандық футболға жетекшілік етіп, қызметін 2014 жылдың соңына дейін атқарған еді.  Сол кезде Әділбек Жақсыбеков Футбол федерациясына басшылыққа келісімен алдын ала келісілген төрешілікке қарсы соғыс жариялады. Клуб басшыларының шешімімен бірнеше арбитр төрешілік етуден өмір бойы шеттетілді. 
          Сонымен қатар Әділбек Жақсыбековтің кезінде 2013 жылы қарағандылық «Шахтер» командасы Қазақстанның футбол тарихында ең бірінші болып еурокубок турнирінің топтың кезеңіне өтті. Ал келесі жылы Қазақстан бүкіл потскеңестік кеңістік аумағында ең бірінші болып УЕФА конгресіне қабылданды.
inform.kz