Дүниежүзілік көшпенділер ойындары 2024 жылы Қазақстанда өтеді
V Дүниежүзілік көшпенділер ойындары 2024 жылы Қазақстанда өтеді. Бұл туралы Мемлекет басшысының Мәжіліс төрағасы Ерлан Қошановты қабылдауы кезінде айтылды, деп хабарлайды inform.kz.Мәжіліс төрағасы Мемлекет басшысына Түркияның Изник қаласында өткен IV Дүниежүзілік көшпенділер ойындарының салтанатты ашылу рәсіміне еліміздің делегациясының қатысқаны жөнінде баяндады. Түркі қоғамдастығы V Дүниежүзілік көшпенділер ойындарын 2024 жылы Қазақстанда өткізу жөніндегі ұсынысты бірауыздан қолдады.
