Қызылордада Киокушинкай-Кан каратэден Қазақстан кубогы өтеді

6-7 сәуір күндері «Евразия» спорт кешенінде киокушинкай-кан каратэден жасөспірімдер, жастар, ересектер, әйелдер мен ерлер арасында ҚР кубогы өтеді. Дүбірлі бәсекеге еліміздің барлық өңірлерінен 16 команда, 500-ден аса спортшы 25 салмақта сынға түседі.

Жарыстың мақсаты - маусымда Астана қаласында, тамызда Венгрияда өтетін Азия және Әлем чемионаттарына спортшыларды іріктеу, 3-ші нөмірдегі спортшыларды таңдау, жастарды спортқа тарту, саламатты өмір салтын насихаттау, киокушинкай-кан каратэ спортын дамыту болып табылады.

Қазақстан кубогын ұйымдастырушылар: ҚР Спорт және дене шынықтыру істері комитеті, Қызылорда облысының дене шынықтыру және спорт басқармасы, Ұлттық республикалық және облыстық киокушинкай-кан каратэ федерациялары.

Сондай-ақ, Ел кубогының аясында, «Сыр шайқасы» атты халықаралық жолдастық кездесу өтеді. Ойын форматы 3-ке 3 «топтық кездесу». Жарыс барысында Қазақстан құрама командасы Ресей, Белоруссия және Қырғызстан командаларымен бақ сынасады.

6 сәуір күні жарыс сағат 09.00-де басталады,12.00-де салтанатты ашылуы болады.