АСТАНА. ҚазАқпарат - Қазақстандық жүзгіш Анастасия Резванцева Буэнос-Айрестегі жазғы жасөспірімдер Олимпиадасының іріктеу сыны саналатын Беларусьте өткен ашық чемпионатта алтын медаль алды. Қазақстандық спортшы 200 метрлік қашықтықта шалқалай жүзуден 2:16,11 көрсеткішімен жергілікті жасөспірімдерден басым түсті, деп хабарлайды «SPORTINFORM» САА. «Лицензияны ұтып алғаныма қатты қуанып тұрмын! Жасөспірімдер Олимпиадасы биылғы маусымдағы басты жарыс, бар күшімді осы лицензияға салдым»,-деді ол салтанатты марапаттау рәсімінен кейін. Тағы бір қазақстандық спортшы Станислав Редько еркін жүзуден 400 метрлік қашықтықта финалға шығып, 4:12,25 көрсеткішімен алтыншы орыннан көрінді. Айта кетерлігі бұл біздің жасөспірім жүзугіштердің үшінші лицензиясы. Буэнос-Айрес жолдамасына бұған дейін Анастасия Шатских пен Диана Назарова қол жеткізген болатын.

inform.kz