Сәрсенбі күні оңтүстіккореялық Пхенчханда елдің спорттық делегациясының XXIII қысқы Олимпиада ойндарына келгенін ресми түрде білдіретін Қазақстан туын көтеру рәсімі өтті, деп хабарлайды Қазақстанның Ұлттық Олимпиада комитеті (ҰОК). Бұл туралы "Интерфакс-Қазақстан" агенттігі жазды. 

Шараға ҰОК президенті Тимур Құлыбаев, республиканың мәдениет және спорт министрлігінің өкілдері, спортшылар, жаттықтырушылар мен журналистер қатысты.

Олимпиадада Қазақстан намысын 57 лицензия ұтып алған 46 спортшы қорғайды.

Қысқы Олимпиаданың ашылу рәсімі 9 ақпанда өтеді. Қазақстан туын шорт-трекші Абзал Әжғалиев көтеріп шығады.

Олимпиадада 15 спорт түрі бойынша 102 медаль жиынтығы ойнатылады.