Елбасы Н.Назарбаевтың «Қазақ­стандықтардың әл-ауқатының өсуі: табыс пен тұрмыс сапасын арт­­­тыру» атты Жолдауы ұстаздар қауы­­мын елең еткізді.

Тағылымы мол құжатта барлық саланы қамтитын және үздіксіз дамуды қамтамасыз ететін жаңғыру жолы нақпа-нақ айқындалған. Он­дағы әрбір тарауға зер сала отырып, болашағымыздың баянды боларына қуанып, көңіліміз көкке жеткендей күй кештік.

Жолдаудың басты міндеті –Қазақ­станның жаһандық бәсекеге қабілеттілігін қамтамасыз ететін экономиканың жаңа моделін құру. Еліміздің орнықты дамуы, адам­дардың өмір сүру деңгейін одан әрі арттыруға байланысты жоспарлар аз емес. Біз Елбасының алға қойған жаңа міндеттерін атқаруға дайынбыз.

Маған ерекше ұнағаны – “Педагог­тар­дың мәртебесі” туралы заң қабыл­дау жөніндегі бастама. Бұны ұстаз­­дар қауымына көрсетіліп жат­­қан шынайы қамқорлық ретінде жоғары бағалаймын. ХХІ ғасыр –білім ғасыры. Олай болса, елімізді өркендету үшін қабілетті жастар керек. Ал олардың жақсы оқып, білім мен ғылымды меңгеруіне ықпал етіп, тағылымды тәрбие беретін мұғалім. Сондықтан да ұстаз бе­делі мен абыройын көтеруді күн тәртібінен түсірмеген дұрыс.

Білім – баға жетпес байлық. Бізге, білім саласының қызметкер­лері үшін Жолдауда айтылған мәселелер аса маңызды. Президент Жолдауы барша педагогтарды жігерлендіріп, қызметке деген құлшынысты арттыра түсеріне сенім мол.