«Нұр Отан» партиясы Қызылорда облыстық филиалы төрағасының орынбасары тағайындалды
Байтілес Ержан Айтөреұлы «Нұр Отан» партиясы Қызылорда облыстық филиалы төрағасының орынбасары лауазымына тағайындалды. Е. Байтілес 1981 жылы туған. Әл-Фараби атындағы Қазақ ұлттық университетін «журналистика» мамандығы бойынша бітірген.
Еңбек жолын 2001 жылы «Қазақстан» газетінің тілшісі ретінде бастаған.
2005-2008 жылдары республикалық «Ақ жол Қазақстан» газетінде аға тілші, «Алматы Ақшамы» газетінде бөлім меңгерушісі, «Ақшам-ақпарат» тобының жетекшісі.
2008-2011 жылдары республикалық «Ана тілі» газетінде бас редактордың бірінші орынбасары.
2011 жылдың қаңтар айынан бастап республикалық «Егемен Қазақстан» газетінің Қызылорда облысы бойынша меншікті тілшісі қызметін атқарып келді.
2016 жылдан бастап VІ шақырылған Қызылорда қалалық мәслихатының депутаты.
