"Нұр Отан" партиясы Қазалы аудандық филиалының мәжіліс залында "Бизнестің жол картасы-2020" республикалық акциясы аясында мемлекеттік бағдарламаны іске асыру мәселелері жөнінде азаматтарды Бірыңғай қабылдау күні болып өтті. Қабылдауға "Нұр Отан" партиясы аудандық филиалы төрағасының бірінші орынбасары Мәмбетжан Қасқырбек,аудандық кәсіпкерлік, өнеркәсіп және туризм бөлімі, аудандық Кәсіпкерлер палатасы және "Қазалы-несие" ЖШС -нің мамандары қатысып, тұрғындарға кеңес берді. Партия филиалында болған қабылдауға келген шағын кәсіпкерлікпен айналысатын кәсіпкерлер өздерінің өзекті мәселелерін айтып, заңнамалар аясында тиісті түсініктемелер алды. Сондай-ақ аудандық партия филиалы төрағасының бірінші орынбасары Қасқырбек Өмірзақұлы қабылдауға қатысушыларға Елбасы Жолдауындағы алтыншы басымдылыққа ерекше тоқталып өтті.