"18 наурыз күні таңғы сағат 8:00 шамасында Мұғалжар ауданында адам өлімімен жол-көлік оқиғасы тіркелді. Күзет қызметінің "Паз" автобусы мен "Урал" су тасу көлігі түйіскен. Автобус жургізушісі мен екі жолаушы оқиға орнында көз жұмды. Қалған 9 жолаушы мен "Урал" көлігінің жүргізушісі ауруханаға жеткізілді", - деп хабарлайды облыстық ІІД-нің баспасөз қызметі.

Ал дәрігер ауруханаға түскен 10 адамның біреуі ауыр жағдайда екенін мәлімдеді.

Қазір Қеңқияқ ауруханасында 10 адам жатыр. Жарақаттары әртүрлі. Бір адамның жарақаты ауыр, ауруханаға ес-түссіз жағдайда жеткізілді. Ауданнан мобилді жылжымалы бригада кетті. Құрамында невропатолог, хирург, реаниматолог, ренгенолог, травматолог бар. Қазіргі уақытта түскен адамдардың денсаулығы тексеріліп, жарақаттары анықталып жатыр.

Он адам бір уақытта түскен соң барлық медицина қызметкерлері жұмылдырылды. Ауруханаға жеткізілгендердің қатарында Мұғалжар, Ойыл, Алға, Темір ауданының тұрғындары бар. Вахтадан қайтып келе жатқан адамдар болу керек",-дейді Темір аудандық ауруханасының бас дәрігері Есентемір Демегенов.