Атырау облысы Жылыой ауданының орталығы Құлсары станциясында күзетші әйел жүк пойызының астына түсіп, қаза тапты деп хабарлайды өңірдегі NUR.KZ тілшісі.

Қайғылы оқиға 1 сәуір күні таңертеңгі сағат 10:30 шамасында болған.

Алдын-ала болжамға сәйкес, осы станцияда жұмыс істейтін 50 жастағы азаматша жұмысқа барар кезде жолды қысқарту үшін тепловоз астынан өтуді жоспарлаған. Осы кезде тепловоз жүріп кетіп, азаматша екі аяғынан айырылған.

Марқұм күзетші әйелдің артында жолдасы мен екі баласы қалды. Қазіргі таңда қызметтік тексеріс пен ішкі істер органдары тергеу жүрігізіп жатыр.

Станция басшылығы аталмыш оқиғаға байланысты әзірге пікір білдірмеді.