Қазалы Қазалы аудандық қоғамдық-саяси газет
» » Электр тоғын пайдаланып заңсыз балық аулаған азамат ұсталды

Электр тоғын пайдаланып заңсыз балық аулаған азамат ұсталды

1-31 мамыр аралығында облыс көлемінде «Уылдырық» жедел-профилактикалық іс-шарасы өткізілуде. Іс-шараға арнайы мобильдік топ құрылып, арнайы шараға жұмылдырылды.

4 мамырда ОПД-нің ЖПҚБ-ның табиғат қорғау полиция тобының қызметкерлері рейд барысында Шиелі ауданы, Бестам ауылының тұсында «Nissan» автокөлігін тоқтатып тексеру барысында, заңсыз электр тоғын пайдаланып, балық аулап жүрген аудан тұрғыны ұсталды.

Ұсталған азаматтан резеңке қайық, аккумулятор және 27 кг аса балық алынды.

Аталған дерек бойынша Қазақстан Республикасы Қылмыстық Кодексінің 335-бабының 3-бөлігімен (Балық ресурстарын заңсыз алу) тергеп-тексеру амалдары жүргізілуде.

Егер аталған тұлғалардың кінәсі дәлелденсе, сот шешімімен олар белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айыра отырып, мүлкі тәркіленіп, белгiлi бiр лауазымдарды атқару немесе белгiлi бiр қызметпен айналысу құқығынан жеті жылға дейінгі мерзiмге айыра отырып, алты мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не үш жылдан алты жылға дейінгі мерзімге бас бостандығын шектеуге, не сол мерзімге бас бостандығынан айыруға жазаланады.
Осыған сәйкес, Қызылорда облысының Полиция департаменті аң, балық аулау және ағаштар мен бұталарды кесу талаптарын бұзу, қоршаған ортаға елеулі зиян келтіру әрекеттері Қазақстан Республикасының заңнамасына сәйкес әкімшілік және қылмыстық жауапкершілікке тартуға әкеліп соқтыратын ескертеді.
syrboyi.kz
07 мамыр 2020 ж. 71 0

Руханият

Қара қазанның қасиеті

Қара қазанның қасиеті

02 маусым 2020 ж.
Жезтырнақ

Жезтырнақ

31 мамыр 2020 ж.

Жаңалықтар мұрағаты

«    Маусым 2020    »
ДсСсСрБсЖмСбЖс
1234567
891011121314
15161718192021
22232425262728
2930