Тараздан табылмаған әйелі Шымкенттен шыққан
Нұрлан Қоянбаев көпшілік алдында жан жарымен бірге шығып, махаббат хикаясын баяндап берді. Бұл туралы "Астарлы ақиқат" бағдарламасында актер Әйгерім есімді арумен қалай бас қосқанын күле отырып жеткізді.Екі жастың таныстығы Алматыда бастаған.
Ол кезде Аграрлық университетте ректордың көмекшісі болып жұмыс істейтін Нұрлан 1-курс студенті Әйгерімге сырттай ғашық болса да, білдірмейді. Бұл туралы өзі:
"Сырттай таныс болдық. Кейін бір мейрамханада кездесіп қалдық. Сол жерде жақын таныса бастадық. Ол кезде менің елге танылып жүрген кезім. Соны пайдаланып өзімді іскер адамша көрсеттім. Телефон нөмірін алып, бір аптадан соң хабарласам дедім. Оған дейін қолым тимейтінін айттым. Бірақ үйде бос жаттым. Бір аптаның өткенін күттім. Бір аптадан соң хабарласып сөйлестік",- деді сұхбатында.
Арада көп уақыт өтпей досы Дәурен Айдарқұлов екеуі қыздың ата-анасымен танысу үшін үйіне іздеп барады.
"Дәуренді ертіп Әйгерімнің ата-анасымен сөйлесейік дедім. Таразға бардық. Әйгерімге хабарлассақ, ол Шымкентте екенін айтты. Ол сөйтсем шымкенттік екен. Қайта Шымкентке жол жүрдік", - деді актер.
"ҚАЗАЛЫ" ақпарат
