Шартты түрде мерзімнен бұрын босатылды
Қазалы аудандық соты жазаны өтеуден шартты түрде мерзімнен бұрын босату туралы сотталған Б.-ның өтініш хатын қарады. Іс-құжаттарына сәйкес сотталған Б. 01.08.2018 жылы Алматы қаласы, Жетісу ауданының №2 сотының үкімімен Қазақстан Республикасы ҚК-нің ҚК-нің 293-бабының 2-бөлігінің 1,2 тармақтарымен кінәлі деп танылып, оған 3 жыл 6 ай мерзімге бас бостандығын шектеу жазасы тағайындалған.Сот отырысында Қазалы аудандық пробация қызметі бөлімінің өкілі, сотталушы Б.-ның тіркелген күннен бастап осы мерзім ішінде өзін тек жақсы жағынан көрсете білгені, қазіргі сотпен белгіленген жазасының 1/3 бөлігін толық өтегендігі айтылған. Бөлім қызметкерлерімен тексеру барысында үй шаруасымен айналысып жүргені, отбасы және көршілерімен тату-тәтті қарым-қатынаста тұратыны түзелу жолына түскендігін көрсетті.
Аталған мән-жайларды ескере отырып, сот азамат Б.-ның өтінішін қанағаттандырды. Қазалы аудандық сотының қаулысымен ҚК-нің 72-бабының 1-бөлігіне сәйкес, азамат Б. бас бостандығын шектеу жазасын өтеуден шартты түрде мерзімінен бұрын босатылды.
Қаулы заңды күшіне енбеген.
Қазалы аудандық сотының баспасөз қызметі
