Жанқожа батыр ауылдық спорт кешенінде №94 орта мектептің ұйымдастыруымен аудан­дық білім бөлімі мен «Отан» қоғамдық бірлес­тігінің демеушілігімен Арықбалық шайқасы­ның 162 жылдығына орай әскери-қолданбалы спорт түрінен сайыс өтті. Оған №95, 17, 88, 98, 24, 190, 94 орта мектептер мен Жанқожа батыр ауылының жастар командасы қатысты. Әскери эстафета мен 10 метр­ден тіреусіз пневматикалық мылтық ату шартын орындаған сайыскерлердің әрқайсысы өз шеберлігін көрсетуге күш салды.

Қорытындысында Жанқожа батыр ауылы­ның жастар командасы бас жүлдені жеңіп алды. Бірінші орынды №94 орта мектеп, екінші орынды №190, үшінші орынды №24 орта мектеп командасы иемденіп, диплом және бағалы сыйлықтармен марапатталды.