Сенбі күні аудандық ішкі саясат бөлімі мен "Жас Орда" жастар қоғамдық бірлестігі Н.Ә.Назарбаевтың «Болашаққа бағдар: рухани жаңғыру» бағдарламасы аясында "Жанұя жарасымы – үлгілі келін" атты арулар арасында «Жанқожа батыр» мешітінде сайыс ұйымдастырды.

Жарыста үміткерлер қамыр жаю шеберлігі, ата-енеге сәлем салу үрдісі мен бесікке бала бөлеу салтынан тұратын турда өзара бақ сынасты.

Нәтижесінде Рита Қашақбаева бірінші орынды жеңіп алса, Құралай Меңдібекова екінші орынды қанжығасына байлады. Үшінші орынды Жансая Әбілда қанағат тұтты.

Жеңімпаздарға арнайы дипломдар табысталып, бағалы сый-сияпат ұсынылды.