Қарттарға қолғабыс көрсетті

Қайырымдылық – ең ізгі қасиеттердің бірі. «Жанашырлыққа – жан риза» дегендей, қарттарға қолғабыс ету, көмекке мұқтаж жандарға қол ұшын созу, жүрек жылуын ұсыну, сауабы мол іске атсалысу – әрбір адамның азаматтық парызы.

Осындай игі істің ұйытқысы болып жүргендер қатарында Қазалы қаласындағы Ғани Мұратба­ев атындағы №17 орта мектеп­тің оқушылары да бар. «Жас Ұлан» ұйымының мүшелері «Қазақ­стан – мейірімділік мекені» атты республи­калық балалар бастамасы аясында Қазалы қаласы Абай көшесі №23 үйдің тұрғыны, тыл ардагері Андрон Криков қарияның үйіне барып, қол көмектерін беріп, алғысқа бөленіп қайтты. Сон­дай-ақ, осы мектептің 8 «а» сынып оқушылары Мергенбаев көшесі №11 үйдің тұрғыны жалғыз басты ана Рашида Кутлубулатованың шаңырағында болып, үй шаруасына көмектесті. Ал, 9 «ә» сынып оқушылары аула сыртын тазалады.

«Әр баланың жүрегі мейірімге толы. Олардың қолынан бәрі де келеді. Әл-Фараби «Тәрбиесіз берілген білім адамзаттың қас жауы» дейді. Мектеп қабырғасында шәкірттерге білім берумен қатар оларды еңбекқорлыққа, жат қылық, жаман әдеттен бойын аулақ ұстауға тәрбиелеу басты міндетіміз», – дейді №17 мектептің тәлімгері Айнұр Сыдық.