Бұзақылық дерегі бойынша қылмыстық іс медиация тәртібімен тоқтатылды
Қазалы аудандық сотында ҚР ҚК-нің 293-бабының 2-бөлігінің 1) тармағында көзделген қылмыстарды жасаған сотталушылар А. мен П.-ға қатысты қылмыстық іс қаралды.Сотталушылар А. мен П. адамдар тобы болып, қоғамдық тәртіпті, қоғамды құрметтемеу анық көрінетін, азаматтарға күш қолдану мақсатында, Әйтеке би кентіндегі «Тропикал» кафесінде жәбірленуші Г.-ны себепсізден себепсіз ұрып-соғып, соңғының денсаулығына жеңіл дәрежелі дене жарақатын келтірген.
Басты сот талқылауында, сотталушылар мен жәбірленуші «Медиация туралы» Заңының тәртібімен өзара татуласып, келісімге келіп, істі «Медиация туралы» Заңына сәйкес қысқарту үшін медиативтік келісімді сотқа ұсынды.
Сот қаулысымен сотталушылар А. мен П. ҚР ҚК-нің 68-бабының 1-бөлігімен Медиация заңына сәйкес қылмыстық жауаптылықтан босатылып, қылмыстық іс өндірістен тоқтатылды.
Қаулы заңды күшіне енбеген.
Қазалы аудандық сотының баспасөз қызметі
