Балалар – еліміздің болашағы. Оларды тәрбиелеу, оқыту, келешекте үлкен өмірден өз орнын табуына бағыт сілтеу – әрбір ата-ананың міндеті. Ұлы бабамыз Әбу Насыр әл-Фараби: «Адамға ең бірінші білім емес, тәрбие берілуі керек, тәрбиесіз берілген білім адамзаттың қас жауы» деген. Сондықтан, балаларымызға зорлық-зомбылықсыз өмір сыйлау мақсатында Жанқожа батыр ауылындағы №94 орта мектепте іс-шаралар өткізілді.

Атап айтсақ, «Жат ағымнан бойыңды аулақ ұста» атты тақырыпта «Сарқұл қожа» мешітінің имамы М.Бәлкеевпен кездесу өтіп, мектеп кітапханасында «Бала құқығы – адам құқығы» бұрышы ұйымдастырылды.

Сондай-ақ, «Отбасымызда зорлық-зомбылыққа жол жоқ» деген атпен ата-аналармен дөңгелек үстел және «Зорлық-зомбылыққа құқықтық тыйым» тәрбие сағаты мен «Есірткісіз болашақ» акциясы барысында «Біз болашақтың салауатты ұрпағымыз» атты үнпарақтар сайысы өткізілді.