Синоптиктер 6 тамызда Қазақстанда қандай ауа райы болатынын айтты, деп хабарлайды Today.kz "Қазгидрометке" сілтеме жасап. Атмосфераның фронтальды бөлігінің өтуіне орай елдің кей өңірлерінде жаңбыр жауып, жел күшейеді, бұршақ түсуі мүмкін, ал түнде және таңертең тұман күтіледі.

Солтүстік Қазақстан, Павлодар, Қызылорда, Ақмола, Қарағанды, Қостанай, Батыс Қазақстан, Шығыс Қазақстан, Маңғыстау облыстарында жел секундына 18-20 метрге дейін күшейеді.

Солтүстік Қазақстан облысында бұршақ жаууы мүмкін.

Алматы, Қызылорда, Атырау, Батыс Қазақстан, Ақтөбе, Жамбыл, Маңғыстау, Қостанай, Қарағанды облыстарында қатты ыстық болады.

Қызылорда, Түркістан, Ақтөбе, Атырау, Батыс Қазақстан, Маңғыстау, Қостанай, Қарағанды, Жамбыл, Алматы облыстарында өрт тұтану қаупі бар.