Құрамында есірткі заттары бар өсімдікті өсіргені үшін сотталды

Қазалы аудандық сотында ҚР ҚК-нің 300-бабының 1-бөлігімен айыпталған С.-ға қатысты қылмыстық іс электронды нысанда қаралды.

Басты сот талқылауында сотталушы С. өз үйінің ауласына құрамында есірткі заттары бар сұрыптарын егіп-өсіру мақсатымен сора өсімдігін өсірген. Рейдтік іс шаралар нәтижесінде сотталушы С.-ның үйінің ауласынан бір түп есірткі заты сора өсімдігі тәркіленген.

Сотталушының қылмыстық әрекеті, сотта өзінің айыбын мойындап берген жауабымен қатар, қылмыстық іс құжаттарымен толық дәлелденді.

Қазалы аудандық сотының үкімімен, сотталушы С. ҚР ҚК-нің 300-бабының 1-бөлігімен кінәлі деп танылып, бір жыл мерзімге бас бостандығынан шектеу жазасы тағайындалды.

Үкім заңды күшіне енген жоқ.