Қазалы аудандық сотында Қазақстан Республикасы ҚК-нің 293-бабының 1-бөлігімен сотталушы С.-ға қатысты қылмыстық іс электронды нысанда қаралды.

Сотталушы С. Қазалы аудандық әкімшілігінің алдында орналасқан екі дана түнгі жарық шамын қолымен ұрып сындырып, аудан әкімшілігіне жалпы құны 6000 теңге мүліктік залал келтірген.

Сот отырысында жәбірленуші өкілі А.-дан сотталушымен татуласуына байланысты қылмыстық істі қысқартуды сұраған өтініш түсті.

Сот қаулысымен Қазақстан Республикасынң ҚК-нің 293-бабының 1-бөлігімен айыпталған С. жөніндегі қылмыстық іс, оның жәбірленушімен татуласуына байланысты, ҚР ҚК-нің 68-бабының 3-бөлігі қолданылып, оны қылмыстық жауаптылықтан босата отырып, өндірістен қысқартылды.

Қаулы заңды күшіне енген жоқ.