ЖАНҚОЖАДАҒЫ ЖАҒЫМДЫ ЖАҢАЛЫҚ
ҚАЗАЛЫ ауданы, Жанқожа батыр ауылында заманауи үлгідегі спорт кешені пайдалануға берілді.Ғимараттың іргетасы 2017 жылы 21 сәуірде қаланған болатын. 120 орындық, типтік жобада салынған спорт кешенінің 1-қабатында 8 бөлме бар, оның ішінде 1 спортзал қарастырылған. Ал, 2-қабаты 3 бөлмемен жабдықталған. Жалпы алаңы 1028 м2, көлемі 810 м2. Нысан сұйық отынмен жылытылады. Қазалы ауданында заманауи үлгіде салынған үшінші спорттық кешеннің қаңқасы қыш кірпішпен қаланып, сырты және ішкі беті металлоконструкциямен және сендвич панельмен қапталған.
Спорт кешенінде 3 жаттықтырушы, 12 техникалық қызметкер еңбек ететін болады.
А.Мейірімхан
