Зорлық-зомбылық зардап тудырады
Тұрмыстық зорлық-зомбылық профилактикасы туралы Қазақстан Республикасының 2009 жылғы 4 желтоқсандағы N 214-IV Заңына сәйкес, тұрмыстық зорлық-зомбылық - отбасы-тұрмыстық қатынастар аясында бір адамның басқаға қатысты дене зардабын және психикалық зардап келтіретін немесе келтіру қаупі бар құқыққа қарсы қасақана әрекеті.
Тұрмыстық зорлық-зомбылық күш көрсету, психологиялық, жыныстық сипаттағы және экономикалық зорлық-зомбылық түрінде болуы мүмкін.
Күш көрсету зорлық-зомбылығы - дене күшін қолданып, денені ауыртып денсаулыққа қасақана зиян келтіру. Күш көрсету зорлық-зомбылығы орын алған жағдайда учаскелік полиция инспекторымен жәбірленушіге сот медициналық сараптамасы тағайындалып, құқық бұзушыға қатысты ҚР ӘҚБтК-нің 73-2 бабы 1-1 бөлігімен әкімшілік хаттама рәсімделеді. Ағымдағы жыл басынан жоғарыда көрсетілген баппен 11 азаматтың ісі сотқа жолданып, тиісті шешім шығарылды. Отбасы тұрмыстық қатынастар аясында құқық бұзушылық жасаған тұлғалармен әйелдерді зорлық-зомбылықтан қорғау тобымен бақылау жүргізіліп, профилактикалық түсіндірме жұмысы тұрақты жүргізіледі. Тұрмыстық зорлық-зомбылық өз бетінше тоқтай салмақ емес, оның салдары үлкен үлкен зардаптарға әкелуі мүмкін. Көмек көрсету үшін 102 арнасы әрдайым байланыста.
Қазалы ауданы полиция бөлімі
