Тәртіпке шақыру тежелмейді
Облыс әкімі Н.Нәлібаевтың тапсырмасына сәйкес, күнделікті жалғасып отыратын рейд жұмыстарының кезекті топ жетекшісі – аудандық жұмыспен қамту және әлеуметтік бағдарламалар бөлімінің басшысы Совет Бабанаев.Аудандық полиция және білім бөлімімен бірлесе отырып, жасөспірімдерге түсіндірме жасайтын құрам Әйтеке би кентіндегі бірқатар нысандарды аралап, жастарды тәртіпке шақырды. Сондай-ақ, ата-аналарға белгіленген уақытта кейін балаларын қараусыз қалдырмауды ескертті.
Айта кеткен жөн, әр күн сайын шығатын топтардың мүшелері аудан әкімінің орынбасарлары, аудандық мәслихат депутаттары, дербес бөлім, мекеме-кәсіпорын басшылары, полиция бөлімі, мектеп директорлары және арнайы белгіленген мамандармен толығып отырады.
"ҚАЗАЛЫ" ақпарат
