Мақсатымыз жас оқырманға халқымыздың ұлттық ойындарының қалай қалыптасқандығы, оның атадан балаға, үлкеннен кішіге мұра болып жалғасып келе жатқандығы туралы мағлұмат беру. Ұлттық ойын түрлерінің мазмұнын түсіндіре отырып, ойнату арқылы қызығушылықтарын арттыру. Ата-бабамыздан бізге жеткен баға жетпес байлығымыз, асыл қазынамыз ұлттық ойындар екендігін біліп өсуге, денсаулығын шыңдай түсуге тәрбиелеу. Шара барысында Ғ.Мұратбаев атындағы №17 мектептің 2 «А» сыныбының оқушыларының қатысуымен қазақ халқының ұлттық ойындары «Қол күрес», «Күрес», «Бес тас», «Арқан тартыс», «Асық» ойындарын ойнап, бақ сынасты. Жас оқырмандарға ұлттық ойындар-ұлттың мұрасы екені туралы кітапханашы Эльмира Шамет түсінік берсе, кеш қонағы 2 «А» сыныбының жетекшісі Айман Панасқызы жас оқырмандарға лебізін білдірді. Кітапхананың тұрақты оқырманы осы мектептің 6 сынып оқушысы, Республикаға танымал әнші, жас өнерпаз Нұрдәулет Қанибай «Асыл арман», «Туған жерге сағыныш» атты әндерін орындап кештің көркін аша түссе, жас оқырмандар қазақ халқының ұлттық биі «Қара жорға» биіне биледі. Кеш соңында кітапхана меңгерушісі Толқын Мырзалиева кешті қортындылап, оқырмандарға алғысын білдіріп, сыйлықтар тарту етті.