Қазалы қаласының тұрғындарымен кездесу өтті
Аудан әкімі Мұхтар Оразбаевтың тоқсан сайынғы тұрғындармен кездесуі соңына таяды. Ауылдық округтердің барлығына табан тіреген аудан басшысы бүгін Қазалы қаласына аялдады.Халықпен жүздесудің басын Қызылорда облысының 85 жылдығы және Қазалы ауданының 95 жылдық мерейтойымен бастаған Мұхтар Әуесұлы жуырда ғана даталы мерекенің кең көлемде тойланғанын айтып, маңызды сәтте бірлесе білген барша жұртқа алғысын айтты.
Мұнан соң жыл басынан бергі ауданда атқарылып жатқан жұмыстарды тізбектеп, алда шешілетін мәселелер мен жоспарларды тілге тиек етті.
Кезек қалалық ағайынның ұсыныс-пікіріне ұласқанда бірқатар түйіні тарқатылмай түйткілдер ортаға салынды. Тоқталсақ, Қазалы қаласындағы жолдар тұрғындардың көңілінен шықпайды екен. Сол секілді осындай бірқатар талап-тілектер айтылды.
Аудан басшысы өз кезегінде тұрғындар тарапынан жеткізілген ұсыныстардың барлығы орынды екенін айтып, аталған мәселелерге жеке-жеке тоқталып өтті.
Кездесу қорытындысында Қазалы қаласындағы бірнеше азаматтар мен азаматшалар Қазалы ауданының 95 жылдық мерейтойына арнайы дайындалған төсбелгімен марапатталды.Айта кеткен жөн, аудан әкімі Мұхтар Оразбаев Қазалы қаласындағы халықпен кездесуі кезінде жеке қабылдау өткізіп, тұрғындардың мәселелерін тыңдады. Соған сәйкес тиісті сала мамандарына тапсырма жүктеп, шешілу жолдарын қарастыруды талап етті.
Қазалы ауданы әкімінің баспасөз қызметі
Пікір 1